د ایرلنډ پر وړاندې د یو ورځنیو سیالیو لوبلړۍ ته د افغان لوبډلې نوملړ په ډاګه شو

امو نهنګان لوبډلې د پرلپسې دریم ځل لپاره د شپږیزه کرکټ لیګ سیالیو اتلولي وګټله

د افغانستان کرکټ بورډ د کورني کرکټ ترټولو سترې یوولسم پړاو اي انډ شپږیزه کرکټ لیګ – سوپرکولا سیالۍ د امو نهنګان لوبډلې په اتلولۍ سره پای ته ورسېدې. دغې لوبډلې د یادو سیالیو په پایلوبه کې له یوې ښکلې او هر اړخیزې لوبې وروسته سپین غر پړانګان لوبډلې ته د ۷ ویکټو په توپیر ماتې ورکړه او د پرلپسې دریم ځل لپاره یې د شپږیزه کرکټ لیګ سیالیو اتلولي خپله کړه.

پړانګانو د جدول لومړی مقام او اتلانو څلورمه بریا خپله کړه

سپين غر پړانګان لوبډلې نن د یوې غوره او هر اړخیزې لوبې پرمټ بست ساتونکو ته د ۶ ویکټو په توپیر ماتې ورکړه او د روانو سیالیو کې د نمرو په جدول کې یې لومړی مقام خپل کړ. همدارنګه مس عینک اتلانو د رحمن الله ګربز د غوره توپوهنې او پرلپسې دویمې سلیزې پرمټ بند امیر ښامارانو ته د ۸۱ منډو په توپیر ماتې ورکړه او په روانو سیالیو کې یې خپل سفر په څلورو بریاو سره پای ته ورساوه.

د سپین غر پړانګانو له پنځمې بریا او پایلوبې ته له رسېدو وروسته رحمن الله ګربز د شپږیزې کرکټ لیګ سیالیو چټکه سلیزه جوړه کړه

سپین غر پړانګان لوبډلې د یوولسم پړاو اي انډ شپږیزه کرکټ لیګ – سوپرکولا سیالیو په لسمه ورځ د یوې غوره او هر اړخیزې لوبې پرمټ بند امیر ښامارانو ته ماتې ورکړه او په روانو سیالیو کې یې خپله پنځمه بریا خپله کړه. دغه راز د ورځې په دویمه لوبه کې مس عینک اتلانو د رحمن الله ګربز د تاریخي پاڼۍ او د یادو سیالیو د تېز ترینې سلیزې پرمټ امو نهنګان لوبډلې ته ماتې ورکړه او خپله دریمه بریا یې خپله کړه.